- वि.सं २o७९ बैशाख ३० शुक्रबार
प्रहरीले सप्तरीको रुपनी गाउँपालिका–५ बसबिट्टी मतदानस्थलमा आज साँझ ५ राउन्ड हवाई फायर गरेको छ ।दुई पक्षबीच विवाद भएपछि अवस्था नियन्त्रणमा लिन ५ राउन्ड हवाई फायर गरिएको जिल्ला प्रहरी कार्यालयका प्रवक्ता प्रहरी नायब उपरीक्षक माधवप्रसाद काफ्लेले जानकारी दिए ।
‘वर्षाले मतदान केही प्रभावित भएको थियो र पुनः मतदान सुचारु गर्ने विषयमा दुई पक्षबीच विवाद भयो र स्थिति नियन्त्रणमा लिन ५ राउन्ड हवाई फायर गर्याैँ, उनले भने–‘अहिले अवस्था समान्य छ ।’
यता, मुख्य निर्वाचन अधिकृत चन्द्रमणि ज्ञवालीले केही व्यक्तिहरूले विवाद सुरु गरेपछि हाललाई मतदान रोकिएको बताए । ‘मतदान पुनः सुचारु गर्नेतर्फ पहल हुँदै छ,’ उनले भने ।
