निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार १७ शुक्रबार
  • Friday, 01 July, 2022
नयाँ पत्रिका काठमाडौं
२०७९ बैशाख २९ बिहीबार ०९:०३:००
Read Time : < 1 मिनेट
मुख्य समाचार प्रिन्ट संस्करण

नेपाल उच्च  प्राथमिकतामा : कोविन्द

Read Time : < 1 मिनेट
नयाँ पत्रिका, काठमाडौं
२०७९ बैशाख २९ बिहीबार ०९:०३:००

भारतीय राष्ट्रपति रामनाथ कोविन्दले नेपालसँगको सम्बन्धलाई भारतले उच्च महत्व दिएको बताएका छन् । भारतका लागि नेपाली राजदूत डा. शंकरप्रसाद शर्माले ओहोदाको प्रमाणपत्र बुझाएपछि भएको संक्षिप्त शिष्टाचार वार्तामा कोविन्दले दुई देशबीच भौतिक, डिजिटल र आर्थिक कनेक्टिभिटी आवश्यक रहेको बताए ।

राष्ट्रपति कोविन्दले प्रधानमन्त्री शेरबहादुर देउवाको गत महिना भएको भारत भ्रमणको चर्चा गर्दै दुई देशबीच ऊर्जा उत्पादन र व्यापारमा सहकार्य हुनुपर्नेमा पनि जोड दिए । उनले राजदूत शर्माको कार्यकालमा नेपाल–भारत सम्बन्ध थप उचाइमा पुग्ने विश्वाससमेत व्यक्त गरेका छन् । दिल्लीस्थित नेपाली दूतावासका अनुसार नेपालमा विद्यालय, अस्पताल, सडक, रेलमार्ग निर्माणलगायत सामाजिक आर्थिक क्षेत्रमा भारतको सहयोग निरन्तर रहने पनि राष्ट्रपति कोविन्दको भनाइ थियो । 

राजदूत शर्माले बुधबार राष्ट्रपति भवनमा आयोजित विशेष समारोहमा ओहोदाको प्रमाणपत्र बुझाएका थिए । शर्माले नेपालमा कोभिड महामारीदेखि सामाजिक आर्थिक क्षेत्रमा सहयोगका लागि भारतलाई धन्यवाद दिएका थिए । आगामी दिनमा भारतसँग ऊर्जा क्षेत्रमा सहकार्य गर्ने वर्तमान सरकारको चाहना पनि व्यक्त गरेका थिए ।