- वि.सं २o७९ बैशाख ९ शुक्रबार
निर्वाचन आयोगले मतदाता नामावली थपघट तथा हेरफेर नहुने बताएको छ। अन्तिम नामावली प्रकाशन भएपछि पनि मतदाता नामावली सार्न तथा सच्याउन पाऊँ भनेर निवेदन आइरहेको भन्दै आयोगले शुक्रबार विज्ञप्ति जारी गर्दै अन्तिम मतदाता नामावली प्रकाशन भएपछि त्यसमा हेरफेर हुन नसक्ने बताएको हो ।
मतदाता नामावली ऐन, २०७३ अनुसार अन्तिम मतदाता नामावली प्रकाशन भएपछि नामावलीमा हेरफेर, थपघट गर्न वा सच्याउन नपाइने कानुनी व्यवस्था छ । आयोगले १३ चैतमा संशोधनसहितको अन्तिम मतदाता नामावली प्रकाशन गरेको थियो ।
