- वि.सं २o७९ बैशाख ६ मंगलबार
भारतको आसाममा चट्याङ लागेर कम्तीमा पनि १४ जनाको ज्यान गएको छ । आइतबार यहाँ आएको भीषण वर्षा र चट्याङमा परेर ती नागरिकको ज्यान गएको हो । आसाममा शुक्रबारदेखि व्यापक वर्षा भएको छ । वर्षासँगै हावाहुरी पनि आएको र यहाँका कतिपय भौतिक संरचनामा पनि क्षति पुर्याएको थियो ।
आसामको प्राकृतिक प्रकोप व्यवस्थापन विभागले दिएको जानकारीअनुसार शुक्रबार आठजनाको ज्यान गएको थियो भने आइतबार थप ६ जनाको ज्यान गएको थियो । यहाँ चट्याङबाट मात्र अरू दर्जनौँ व्यक्ति घाइते भएका पनि अधिकारीहरूले जनाएका छन् ।
यस क्षेत्रमा वर्षासँगै पर्ने चट्याङले समय–समयमा नागरिकको ज्यान जाने गरेको छ । शुक्रबारदेखि आइतबारसम्म जारी रहेको वर्षा, हावाहुरीले दशौँ हजार नागरिकका घर भत्काएको तथा अन्य भौतिक संरचनामा क्षति पुगेको छ ।
