बारको मतगणना सुरु

नेपाल बार एसाेसिएसनको २६औँ केन्द्रीय कार्यसमितिको निर्वाचनको मतगणना सुरु भएको छ । नेपाल बार एसाेसिएसन, २०७८ को प्रमुख निर्वाचन अधिृकत वरिष्ठ अधिवक्ता उषा मल्ल पाठकका अनुसार बिहान ९ बजेदेखि मतगणना सुरु गर्ने भनि तापनि व्यवस्थापन मिलाउँदा थप एक घन्टा समय लागेको छ ।

बारको यही चैत १९ गते काठमाडौं केन्द्रसहित देशभर ३५ स्थानबाट शान्तिपूर्ण तरिकाले मतदान सम्पन्न भएको थियो । सबै स्थानको मतपेटिका सोमबार काठमाडौं केन्द्रमा आइपुगेको थियो ।

बारमा अध्यक्षसहित ११ पदाधिकारी र सदस्य गरी २५ जनाको कार्यसमितिका लागि भएको निर्वाचनमा नौ हजार सात सय आठजना अधिवक्ता मतदाताले मतदान गरेका थिए । त्यसमध्ये उपत्यकामा पाँच हजार सात सय र उपत्यकाबाहिर तीन हजार पाँच सय रहेका थिए । तीमध्ये सात हजार चार सय २९ मत खसेको प्रमुख निर्वाचन अधिकृत वरिष्ठ अधिवक्ता पाठकले जानकारी दिए । 
 
नयाँ कार्यसमितिका लागि प्रगतिशील तथा पेसागत कानुन व्यवसायी समूह र बृहत् लोकतान्त्रिक प्रगतिशील समावेशी तथा पेसागत कानुन व्यवसायी समूहबीच प्रतिस्पर्धा भएको छ ।