- वि.सं २o७८ चैत ९ बुधबार
पहिरोका कारण अवरुद्ध भीमदत्त राजमार्ग सुचारु भएको छ । बुधबार बिहान १२ बजेदेखि सुक्खा पहिरोका कारण अवरुद्ध सुदूरपश्चिमका सातवटा पहाडी जिल्ला जोड्ने भीमदत्त राजमार्ग पुनः सञ्चालनमा आएको हो ।
डडेल्धुराको गन्यापधुरा गाउँपालिका– साहुखर्कमा सडक माथिबाट खसेको सुक्खा पहिरोका कारण अवरुद्ध भएको राजमार्ग सञ्चालनमा आएको प्रहरी कार्यालय डडेल्धुराले जनाएको छ । प्रहरीका अनुसार डोजर लगाइएर पहिरो हटाएर राजमार्ग सञ्चालनमा ल्याइएको हो । आज दिउँसो १२ बजेबाट अवरुद्ध सडक साढे पाँच घण्टापछि पुन: सञ्चालनमा आएको हो ।
