- वि.सं २o७८ फाल्गुण २९ आइतबार
प्रधानमन्त्री शेरबहादुर देउवाले स्थानीय तहलाई स्थानीय सरकार भन्नु मुख्य कुरा नभएर स्थानीय तहबाट प्रवाह हुने सेवा मुख्य कुरा भएको बताएका छन् । आइतबार नगरपालिका संघको साधारणसभालाई सम्बाेधन गर्दै प्रधानमन्त्री देउवाले स्थानीय तहलाई तह नभनेर सरकार भन्न सकिने बताएका हुन् । तर, नाम परिवर्तन गर्नु नभएर जनतालाई डेलिभरी दिनु मुख्य कुरा भएको उनकाे भनाइ थियाे ।
'सबैको चित्त बुझ्छ भने स्थानीय सरकार नै भनौँला। संशोधन गर्नुपर्छ भने दलहरूसँग छलफल गरौँला। तर, डेलिभरी भनेको मुख्य कुरा हो । जनताका दुःख, तक्लिफ हटाउने काम गर्नुहोस् । यो ठूलो करा होइन । तह र सरकारमा तह हटाइदिउँला त्यसमा केही पनि छैन,’ प्रधानमन्त्री देउवाले भने, ‘रुल मेकिङ र रुल एप्लिकेसनमा जनतालाई प्रत्यक्ष सहभागी गराउनुपर्छ ।’
