लोकतान्त्रिक समाजवादी पार्टीका अध्यक्ष महन्थ ठाकुरले आफ्नो पार्टी अमेरिकी परियोजना एमसिसीको पक्षमा रहेको बताएका छन् । प्रतिनिधिसभा बैठकमा आइतबार आफ्नो धारणा राख्दै उनले अमेरिकाको उद्देश्य सकारात्मक भएकाले लोसपाले एमसिसीलाई समर्थन गरिरहेको बताएका हुन् । 

गरिबी निवारण र विद्युत् प्रसारण लाइन र सडक मर्मत सम्भारमा एमसिसी अनुदानको रकम खर्च गरिने बताउँदै ठाकुरले भने, ‘अमेरिकाको जुन उद्देश्य छ, एमसिसीमार्फत अमेरिकाले जुन लक्ष्य लिन खोजेको छ, त्यो सकारात्मक छ । त्यसैकारण हाम्रो पार्टी लोकतान्त्रिक समाजवादी पार्टी यसको पक्षमा छ, समर्थन गरिरहेको छ ।’ 

एमसिसी जबर्जस्ती रूपमा नभई नेपालको माग र आवश्यकताअनुसार आएको उनको तर्क छ ।