- वि.सं २o७८ फाल्गुण १५ आइतबार
नेपाल इन्भेष्टमेन्ट बैंकले स्थापनाको ३६ वर्ष पूरा गरेको छ । ३६औँ वार्षिकाेत्सवको अवसरमा बैंकको केन्द्रीय तथा प्रादेशिक कार्यालयहरूले रक्तदान, वृद्धाश्रम तथा बालगृहमा खाना खुवाउने तथा विभिन्न खेलकुदका कार्यक्रमको आयोजना गरेको बैंकले जनाएको छ ।
३६औँ वार्षिकोत्सवको अवसरमा बैंकले वित्तीय साक्षरताका लागि चौथो कमिक बुक ‘बचत गर्ने काइदा डिजिटल बैंकिङको फाइदा’को विमोचन गरेको छ । त्यसैगरी ग्राहकसँगको सम्बन्ध कायम राख्न बैंकले ‘निक्षेप रकम २० वर्षमा ६ गुणा हुने गज्जब ६ मुद्दती खाता’समेत सञ्चालनमा ल्याएको छ ।
नेपाल इन्भेष्टमेन्ट बैंकका देशभरि गरेर ८८ शाखा, ३१ राजस्व संकलन काउन्टर, ५८ शाखारहित बैंकिङ केन्द्र तथा १३१ एटिम सञ्चालनमा छन् भने १२ लाख ग्राहक रहेका छन् ।
