- वि.सं २o७८ फाल्गुण ५ बिहीबार
प्रधानमन्त्री शेरबहादुर देउवाले एमसिसी परियोजना राष्ट्रकाे हितमा रहको बताएका छन्। बालुवाटारमा कांग्रेस नेता अर्जुननरसिंह केसीको पुस्तक ‘नेपाली कांग्रेसको संक्षिप्त इतिहास (सिद्धान्त तथा नीतिको परिचयसहित)’ को लोकार्पण गर्दै उनले यस्तो बताएका हुन्।
‘एमसिसी पास गराउन हामीले एक मतले निर्णय गरेका हौँ। त्यसमा लागिराखेको छु। फेल पनि हुन सक्छ, पास पनि हुन सक्छ थाहा छैन। तर, राष्ट्रको हितमा छ भन्ने कुरा सत्य कुरा हो यो। हामीले भन्नुपर्छ यो, सत्य हो,’ देउवाले भने।
प्रधानमन्त्री देउवाले आफू एमसिसी परियोजनालाई संसदबाट पारित गराउन लागिपरिरहेको बताए। उनले एमसिसी पारित गराउने कांग्रेसको सर्वसम्मत निर्णयअनुरूप आफू लागिपरिरहेको उनले प्रस्ट पारे। उनले एमसिसी परियोजना संसदबाट पास वा फेल जे पनि हुन सक्ने बताए।
