- वि.सं २o८१ बैशाख २४ सोमबार
आइएमई डिजिटल सोलुसन लिमिटेडद्वारा प्रवद्र्धित आइएमई पे र एभरेष्ट बैंक लिमिटेडबीच बैंक लिंक गर्न मिल्ने सम्झौता भएको छ । उपभोक्ताले आइएमई पे मोबाइल वालेट एपमा एभरेष्ट बैंकको खाता लिंक गरी बैंकका वित्तीय सुविधाहरू आइएमई पे एपमा प्रयोग गर्न सक्ने सम्झौता भएको हो ।
हालसम्म नेपालका १४ वटा बैंकहरूसँग यस्तै प्रकृतिको सम्झौता गरेको आइएमई पेले यस लिंकको निःशुल्क ट्रान्सफर तथा शीघ्र ट्रान्सफरलगायतका फाइदाहरू रहेको जनाएको छ । यसमा बैंक लिंक गरेपछि उपभोक्ताले आफ्नो सुविधाअनुसार एभरेष्ट बैंकको खातामा आइएमई पे एपबाट निःशुल्क पैसा पठाउन वा सार्न मिल्ने गरी सिस्टमलाई अद्यावधिक गरिएको कम्पनीले जनाएको छ ।
