- वि.सं २o७८ माघ २५ मंगलबार
पार्टीबाट अलग हुने निर्णयमा पुनर्विचार गर्न निवर्तमान अध्यक्ष कमल थापालाई राप्रपाले अनुरोध गरेको छ । अध्यक्ष राजेन्द्र लिङ्देनको अध्यक्षतामा मंगलबार पार्टी कार्यालय धुम्बाराहीमा बसेको उपलब्ध पदाधिकारीको बैठकले थापालाई निर्णयमा पुनर्विचार गर्न अनुरोध गरेको प्रवक्ता मोहन श्रेष्ठले जानकारी दिए ।
बैठकको निर्णय प्रेस विज्ञप्तिमार्फत सार्वजनिक गर्दै श्रेष्ठले भनेका छन्, 'निवर्तमान अध्यक्ष थापाबाट अनपेक्षित तथा अप्रत्याशित रूपमा व्यक्तिगत तवरले पार्टीबाट अलग हुने भनी गरिएको घोषणाप्रति दुःख प्रकट गर्दछौँ । पार्टीबाट अलग हुने निर्णयमा पुनर्विचार गर्न राप्रपा अनुरोध गर्दछ ।'
कार्यकर्तालाई विचलित नहुन र निर्वाचनको तयारीमा जुट्न पनि राप्रपाले आह्वान गरेको छ ।
