- वि.सं २o७८ माघ १४ शुक्रबार
मधेस सरकारले बुधबार राष्ट्रिय सभा निर्वाचनका क्रममा अवरोध गर्ने जनमत पार्टीका कार्यकर्तालाई कारबाही गर्न निर्देशन दिएको छ । अर्थमन्त्रीसमेत रहेका सरकारका प्रवक्ता शैलेन्द्रप्रसाद साहले पूर्वनिर्धारित विरोधका कार्यक्रम नभए पनि जनमतका कार्यकर्ताले ‘सांघातिक आक्रमण’ गरेको भन्दै उनीहरूलाई कारबाही गर्न निर्देशन दिएका हुन् ।
जनमतका कार्यकर्ताले प्रदेश सभा सदस्य अशोक यादव, हरिवन नगरपालिका प्रमुख, उपप्रमुख, जलेश्वर अस्पतालका मेडिकल सुपरिटेन्डेन्ट डा. सतिश साहसहितका व्यक्तिहरूमाथि आक्रमण गरेको उनले बताए ।
यस्तै, सवारीसाधनमा गरिएको तोडफोड घटनाको वास्तविकता छानबिन गरी सम्बन्धित जनप्रतिनिधि एवं चिकित्सकलाई क्षतिपूर्ति उपलब्ध गराउन एवं दोषीउपर कारबाही गर्न पनि मन्त्री साहले सम्बन्धित निकायलाई निर्देशन दिएका छन् ।
