- वि.सं २o७८ पौष २५ आइतबार
पछिल्लो २४ घण्टामा थप १ हजार १ सय ६७ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार यो संक्रमित संख्या पछिल्लो समयकै धेरै हो। शनिबार ९ सय ४४ जना र शुक्रबार ९ सय ६८ जना संक्रमण पुष्टि भएको थियो। तर आइतबार त्योभन्दा बढी संख्यामा संक्रमित थपिएका छन्।
आइतबार १२ हजार ६ सय ३२ जनामा कोरोना परीक्षण गरिएको थियो। सोही अवधिमा निको हुनेको संख्या २ सय २४ जना रहेको छ भने कोरोना संक्रमणबाट २ जनाको ज्यान गएको छ। हाल देशभर सक्रिय संक्रमितको संख्या ६ हजार ७ सय ५५ जना रहेको छ।
