- वि.सं २o७८ पौष २१ बुधबार
पछिल्लो २४ घण्टामा थप ४ सय ३५ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार सोही अवधिमा २ सय ३९ जना निको भएका छन्। १० हजार २ सय ६७ जनामा कोरोना परीक्षण गर्दा ४ सय ३५ जना नयाँ संक्रमित थपिएका हुन्।
बितेको २४ घण्टाका कोरोना संक्रमणबाट मृत हुनेको संख्या शून्य छ। अहिले देशभर सक्रिय संक्रमितको संख्या ५ हजार २ सय २५ जना रहेको मन्त्रालयले जनाएको छ। त्यस्तै, संस्थागत आइसोलेसनमा बस्ने संक्रमितको संख्या ३ हजार ७३ जना रहेको छ। अन्य संक्रमित होम आइसोलेसनमा बसेका छन्।
स्वास्थ्य मन्त्रालयले अध्यावधिक गरेको कोरोना संक्रमितको नियमित तथ्यांक हेर्दा मंगलबारदेखि संक्रमित संख्या बढ्न थालेको छ। मंगलबार ३ सय ९३ जनामा कोरोना संक्रमण पुष्टि भएको थियो। बुधबार मंगलबारभन्दा बढी संख्यामा कोरोना संक्रमण पुष्टि भएको छ। तथ्यांकअनुसार नै संक्रमणदर बढेकोले थप सचेत रहन स्वास्थ्य मन्त्रालयले अनुरोध गरेको छ।
