सामान्य विषयमा विवाद हुँदा काठमाडौंको तारकेश्वर स्थित शेषमती  नजिकै खुकुरी प्रहार गरिएको छ । रामेछापको रामेछाप मन्थली लिखुँ गाउँपालिका घर भइ हाल जरङ्खु बस्दै आएका २९ वर्षीय शनि तामाङले दोलखा चरीकोटका सुवास तामाङलाई खुकुरी प्रहार गरेका हुन् । 

खुकुरी प्रहारबाट सुवासको टाउको र घाँटीको पछाडिको भागमा चोट लागेको छ । उनलाई उपचारको लागि राष्ट्रिय ट्रमा सेन्टर लगिएको प्रहरीले जनाएको छ । शनिले सुवासलाई खुकुरी लिएर लखेट्दै गएका थिए । सोही समयमा महानगरीय प्रहरी प्रभाग धर्मस्थलीका प्रहरी नायव निरिक्षक पदम अवस्थीलाई समेत खुकुरी प्रहार गरेका थिए । प्रहरी नायव निरिक्षक अवस्थीलाई भने उपचारको लागि प्रहरी अस्पताल लगिएको छ । खुकुरी प्रहार गर्ने शनिलाई बालाजु प्रहरीले नियन्त्रणमा लिएको छ ।