- वि.सं २o७८ पौष ८ बिहीबार
नेपाली कांग्रेसको प्रदेश २ अधिवेशन जनकपुरमा जारी छ । बिहान साढे नौ बजेदेखि सुरु भएको मतदानमा ४ बजेसम्म नौ सय ७७ मत खसेको निर्वाचन अधिकृत विनयकुमार सिंहले जानकारी दिए ।
चारवटा बुथमा मतदान भइरहेको भए पनि मतदाताले निकै ढिलो गरी मत खसालिरहेको सिंहले बताए । साँझ ५ बजेसम्म मतदान गर्ने समय रहे पनि उक्त समयभित्र मतदान सम्पन्न हुने अवस्था देखिएको छैन ।
प्रदेश २ मा जम्मा एक हजार नौ सय २० प्रदेश अधिवेशन प्रतिनिधि रहेका छन् ।
