- वि.सं २o७८ मङ्सिर २९ बुधबार
नेपाली कांग्रेसकाे १४औँ महाधिवेशनअन्तर्गत सभापति पदको जारी मतगणनामा शेरबहादुर देउवाले मतान्तर बढाउँदै लगेका छन् । सुरुदेखि नै अग्रता कायम राखेका देउवाले पछिल्लो समय मतान्तर पनि बढाएका छन् । ताजा अवस्थामा तीन हजार तीन सय १८ मत गणना हुँदा देउवाले १९८४ मत ल्याएका छन् ।
प्रतिस्पर्धी डा. शेखर कोइरालाको पक्षमा १३०९ मत खसेको निर्वाचन समितिले जनाएको छ । २४ मत बदर भएको छ । पहिलो चरणमा कुनै पनि उम्मेदवारले खसेको मतको पचास प्रतिशतभन्दा बढी ल्याउन नसकेपछि पहिलो र दोस्रो भएका देउवा र कोइरालाबीच दोस्रो चरणमा प्रतिस्पर्धा भएको हो । दोस्रो चरणमा चार हजार पाँच सय ६४ मत खसेको छ ।
