- वि.सं २o७८ मङ्सिर २८ मंगलबार
नेपाली कांग्रेसको महाधिवेशनअन्तर्गत सभापति पदको मतगणना सुरु भएको छ । दोस्रो चरणको मतदानको गणना तीन ठाउँबाट सुरु गरिएको निर्वाचन समिति सदस्य तेजबहादुर रावलले जानकारी दिए ।
दोस्रो चरणको निर्वाचनमा सभापतिमा शेरबहादुर देउवा र डा. शेखर कोइराला प्रतिस्पर्धामा छन् । पहिलो चरणमा कुनै पनि उम्मेदवारले ५० प्रतिशत मत कटाउन नसकेपछि दोस्रो चरणको मतदान मंगलबार भएको हो ।
दोस्रो चरणमा ४५ सय ६३ मत खसेको छ । सोमबारको मतदानमा जम्मा चार हजार ७४३ मतदातामध्ये चार हजार ६७९ मतदाताले मतदान गरेका थिए । मतदानमा ७६ मत बदर भएको थियो। कांग्रेस विधानअनुसार सभापतिमा निर्वाचित हुन खसेको मतको ५० प्रतिशतभन्दा बढी मत प्राप्त गर्नु अनिवार्य हुन्छ ।
पहिलोपटक कुनै पनि उम्मेदवारले ५० प्रतिशतभन्दा बढी मत नल्याएमा सबैभन्दा बढी मत ल्याउने दुईजनाबीच पुनः मतदान गर्ने विधानको व्यवस्था छ। पुनः मतदान हुँदा बढी मत प्राप्त गर्ने उम्मेदवार विजयी हुनेछ।
