- वि.सं २o७८ मङ्सिर २१ मंगलबार
नेपाली कांग्रेसको संस्थापनइतरका नेताहरू छलफलमा जुटेका छन्। पार्टीको १४औँ महाधिवेशनमा साझा उम्मेदवार चयन गर्ने विषयमा थप छलफलका लागि अहिले इतर पक्षको बैठक बसिरहेको छ।
नेता प्रकाशमान सिंहको निवास चाक्सीबारीमा जारी बैठकमा वरिष्ठ नेता रामचन्द्र पौडेल, सिंह, शशांक कोइरालालगायत इतर पक्षका नेताहरू सहभागी छन्। महाधिवेशनको सँघारमै आइसक्दासमेत इतर समूहले सभापतिको साझा उम्मेदवार चयन गर्न सकेको छैन। सोमबार पौडेलनिवास बोहोराटारमा बसेको बैठकले कुनै निष्कर्ष दिन नसकेपछि आज पनि इतर पक्ष छलफलमाा जुटेको हो।
