सोलुखुम्बुको खुम्बु क्षेत्रको भ्रमणमा आएका नेपाली मूलका अमेरिकन नागरिकको मृत्यु भएको छ । बिहीबार लुक्ला विमानस्थलमा समिट एयरको जहाजमार्फत आएका ६१ वर्षीय विन्देश्वर कक्षपतिको मृत्यु भएको हो । 

नाम्चे भ्रमणमा निस्केका कक्षपतिको फाक्दिङस्थित ट्रेकर होटलमा मृत्यु भएको हो । चिसोको मौसममा होटेलभित्र हिटर तापिरहेका उनी एक्कासि बेहोस भएका थिए ।

बेहोस हुनासाथ तत्काल उनको मृत्यु भएको जिल्ला प्रहरी कार्यालय सोलुखुम्बुका प्रहरी नायब उपरीक्षक कविता कटवालले बताए । उनको शव पोस्टमार्टमका लागि आजै हेलिकाेप्टरमार्फत टिचिङ अस्पताल महाराजगन्ज काठमाडौं पठाइएको छ ।