- वि.सं २o७८ कार्तिक ९ मंगलबार
पछिल्लो २४ घन्टामा थप ६ सय ६६ जनामा कोरोना भाइरस संक्रमण भएको छ। नाै हजार सात सय ७१ जनाको पिसिआर परीक्षण गर्दा पाँच सय ६९ जना र दुई हजार दुई सय ४९ जनाको एन्टिजेन परीक्षण गर्दा ९७ जना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
सोही अवधिमा कोरोना संक्रमणबाट ११ जनाको मृत्यु भएको छ भने ६ सय २२ जना कोरोनामुक्त भएका छन्। हाल देशभर १० हजार दुई सय ९६ जना सक्रिय संक्रमित रहेका छन् ।
