- वि.सं २o७८ कार्तिक २ मंगलबार
इस्लाम धर्मका प्रवर्तक हजरत मोहम्मद सल्लाहु वलैहिवसल्मको जन्मजयन्ती (मोहम्मद डे) को अवसरमा मंगलबार प्रदेश २ मा सार्वजनिक बिदा दिइएको छ । नेपालसहित विश्वभरिका मुस्लिम समुदायमा ‘मोहम्मद डे’ धुमधामसँग मनाइने भएकाले प्रदेश सरकारले सार्वजनिक बिदा दिने निर्णय गरेको हो ।
सरकारले संघीय सरकारको सार्वजनिक बिदाबाहेक वर्षभरिमा ११ वटा विभिन्न चाडपर्व तथा अवसरमा सार्वजनिक बिदा दिने निर्णय गरेको छ । यसैबीच, संघीय सरकारले पनि मंगलबार मुस्लिम समुदायलाई सार्वजनिक बिदा दिने घोषणा गरेको छ ।
इस्लामिक महिना रविउलऔएलको १२ तारिखमा हजरत पैगम्बर मोहम्मदको जन्म सउदी अरबको मक्का मदिनामा भएको थियो । पैगम्बर मोहम्मदले आफ्नो जीवनको सम्पूर्ण लक्ष्य समाज सुधार र व्यावहारिक धर्मको प्रचारप्रसारमा केन्द्रित गरेका थिए ।
