- वि.सं २o७८ असोज ३१ आइतबार
लमजुङको राइनास नगरपालिका – ९ का वडाध्यक्ष देवबहादुर थापाको निधन भएको छ। ६८ वर्षीय थापाको शनिबार दिउँसो १ बजे काठमाडौंको वीर अस्पतालमा निधन भएको पारिवारिक स्रोतले बताएको छ।
कोरोना संक्रमणका कारण उपचाररत थापाको रिपोर्ट नेगेटिभ आइसकेपछि उपचारकै क्रममा निधन भएको हो। उनी असोज २ गतेदेखि वीर अस्पतालमा उपचार गराइरहेका थिए। थापा स्थानीय तहको निर्वाचनमा नेपाली कांग्रेसबाट राइनास नगरपालिका – ९ को वडाध्यक्षमा निर्वाचित भएका थिए।
