- वि.सं २o७८ असोज २२ शुक्रबार
अफगानिस्तानमा आत्मघाती बम विष्फोट हुँदा कम्तीमा ५० जनाको मृत्यु भएको छ । अफगानिस्तानको उत्तरी सहर कुन्दुजमा रहेको एक मस्जिदमा शुक्रबारको प्रार्थना चलिरहेका वेला मस्जिदलाई लक्षित गरी आत्मघाती बम विष्फोट भएको स्थानीय अधिकारीहरूलाई उदृत गर्दै बिबिसीले जनाएको छ ।
उक्त मस्जिद अफगानिस्तानमा रहेका अल्पसंख्यक सिया मुस्लिम समुदायले प्रयोग गर्दै आएका थिए । हालसम्म विष्फोटको जिम्मेवारी कसैले लिएको छैन। यद्यपि, हमलामा अफगानिस्तानमा सक्रिय आतंकवादी संगठन आइएसआइएसअन्तर्गतको आइएस–केको संलग्नता रहेको आशंका गरिएको छ। तालिवान सरकारमा आएपछि यो संगठनले पछिल्लो समय विद्यालय र मस्जिदलाई लक्षित गरी श्रृङखलाबद्ध रूपमा बम विष्फोट गर्दै आइरहेको छ।
