- वि.सं २o७८ भदौ २८ सोमबार
कोरोना संक्रमण दर घटेको भन्दै दाङका सबै स्थानीय तहले विद्यालय खोल्ने भएका छन् । दाङका प्रमुख जिल्ला अधिकारी रामबहादुर कुरुम्बाङ्का अनुसार स्मार्ट लकडाउन कार्यविधिको मातहतमा रही स्थानीय तहले विद्यालय खोल्न पाउने निर्णय गरेको हो ।
स्थानीय तहले कोभिड–१९ संकट व्यबस्थापन केन्द्रसंग समन्वय गरेर विद्यालय खोल्न पाउने निर्णय भएको कुरुम्बाङ्ले बताए । सोमबारदेखि घोराही उपमहानगरपालिका र तुलसीपुर उपमहानगरपालिले विद्यालय खोल्ने निर्णय गरेका छन् । शान्तिनगर गाउँपालिकाले भने यसअघि नै विद्यालय खोलिसकेको छ । तुलसीपुर उपमहानगरपालिकाले विद्यालय खोले पनि बस सेवा सञ्चालन नगर्ने निर्णय गरेको छ ।
घोराही उपमहानगरपालिकाले भने बस सेवासमेत सञ्चालन गर्न दिने भएको छ ।
