- वि.सं २o७८ भदौ २५ शुक्रबार
पूर्वी नवलपरासीको विनयी त्रिवेणी गाउँपालिका– २ दाउन्नेको घ्यू खोलामा दु वटा ट्रक एक–आपसमा ठक्किँदा एकजनाको मृत्यु भएको छ भने तीनजना घाइते भएका छन्।
नवलपुर प्रहरीका अनुसार बुटवलबाट नारायणगढ आउँदै गरेको प्रदेश ३-०१–००३ क ४९४३ नम्बरको ट्रकलाई सोही दिशाबाट आउँदै गरेको ना.५ख ५६६८ नम्बरको ट्रकले ठक्कर दिँदा ठक्कर दिने ट्रकका सहचालकको मृत्यु भएको हो। दुर्घटनामा परी गम्भीर घाइते मोरङका २५ वर्षीय सुरधार चौधरीको मध्यबिन्दु जिल्ला अस्पताल डण्डामा गएराति मृत्यु भएको हो।
घाइते तीनजनाको अवस्था भने सामान्य रहेको दुम्कीबास प्रहरीले जनाएको छ। प्रहरीका अनुसार घटनापछि सडक एकतर्फी सञ्चालनमा रहेको छ।
