- वि.सं २o८१ बैशाख २० बिहीबार
बलिउड अभिनेत्री कंगना रनौतको ब्याक–टु–ब्याक एक्सन फिल्म रिलिज हुने भएको छ। आगामी वर्षको पहिलो ६ महिनाभित्र रिलिज हुने ‘धाकड’ र ‘तेजस’मा दर्शकले उनलाई एक्सन गरेको देख्न पाउनेछन्।
तेजसको सुटिङ भइरहेको छ भने धाकडको पोस्ट प्रोडक्सन कार्य जारी छ। धाकडमा कंगनाले एजेन्टको भूमिका निर्वाह गर्ने बताइएको छ। फिल्ममा कंगना १० फरकफरक लुक्समा देखिने स्रोतलाई उद्धृत गर्दै भास्करले उल्लेख गरेको छ।
हलिउडको ‘एक्वाम्यान’ र ‘मिसन इम्पोसिबल’मा एक्सन डिजाइनिङ गरेका टिमले यो फिल्मको एक्सन डिजाइन गर्ने बताइएको छ। साथै, अवार्ड विजेता जापानी सिनेमाटोग्राफर टेट्सुओ नगाटाले क्यामेराको काम गर्ने बताइएकाले पनि उत्सुकता थपिएको छ।
