- वि.सं २o७८ श्रावण २७ बुधबार
लुम्बिनी प्रदेश सभाको विशेष अधिवेशन आह्वानविरुद्ध परेको रिटमाथिको सुनुवाइ न्यायाधीश डा. आनन्दमोहन भट्टराईको इजलासमा परेको छ। लुम्बिनी प्रदेश सभा सदस्य लीला गिरीले विशेष अधिवेशन आह्वान रोक्न माग गर्दै रिट निवेदन दायर गरेका थिए।
लुम्बिनीका मुख्यमन्त्री शंकर पोखरेलविरुद्ध विपक्षी दलले अविश्वास प्रस्ताव दर्ता गर्दै प्रदेश प्रमुख अमिक शेरचनसमक्ष विशेष अधिवेशनको माग गरेका थिए। आज १ बजे अधिवेशन बस्दै छ।
अधिवेशनमा मुख्यमन्त्रीविरुद्धको अविश्वास प्रस्तावबारे छलफल हुनेछ। उक्त रिटको सुनुवाइका लागि मंगलबार न्यायाधीश प्रकाशमानसिंह राउतको एकल इजलासमा पेसी तोकिएको भए पनि मंगलबार ‘हेर्न नभ्याइने’ सूचीमा राखिएको थियो।
