- वि.सं २o७८ श्रावण २६ मंगलबार
मोरङको सुन्दरहरैँचा नगरपालिका– ७ बाट एक सिटी रिक्साचालक लागुऔषध गाँजासहित पक्राउ परेका छन् । धनकुटा सहिद भूमि गाउँपालिका– ५ घर भई मोरङ सुन्दरहरैँचा नगरपालिका– ५ मा बस्ने २४ वर्षीय इमान राई सात केजी नौ सय ८४ ग्राम गाँजासहित पक्राउ परेका हुन् ।
चालक इमानलाई सोमबार साँझ पूर्व–पश्चिम राजमार्गमा को.१ह ७९८५ नम्बरको सिटी सफारी चेकजाँच गर्ने क्रममा प्लाष्टिकको झोलामा राखिएको लागुऔषध गाँजासहित नियन्त्रणमा लिइएको इलाका प्रहरी बेलबारीले जनाएको छ ।
प्रदेश १ को पहाडी जिल्ला धनकुटामा अवैध रूपमा गाँजा खेती हुने गरेको छ । त्यहाँ उत्पादन भएको गाँजा तस्करी गरेर भारततर्फ लैजाने गरिएको छ ।
