- वि.सं २o७८ श्रावण २६ मंगलबार
मेगा बैंक नेपाल लिमिटेडले ‘मेगा लोकप्रिय बचत खाता’मा विभिन्न सुविधा प्रदान गर्ने योजना ल्याएको छ । बैंकले यो खाता खोल्नेलाई एनसेलको सिमकार्ड निःशुल्क रूपमा प्रदान गर्नेलगायतका योजना ल्याएको हो ।
यो खाता ‘शून्य मौज्दातमा नै खोल्न सकिने र एनसेलद्वारा मेगा बैंकका लागि कस्टमाइज्ड गरिएका सुविधाहरूसहितको सिमकार्ड निःशुल्क रूपमा प्राप्त गर्न सक्ने बैंकले जनाएको छ । यो सुविधा प्रदान गर्नका लागि बैंककी प्रमुख कार्यकारी अधिकृत अनुपमा खुञ्जेली र एनसेलका प्रमुख कार्यकारी अधिकृत एन्डी चोङले सम्झौतामा हस्ताक्षर गरेको जनाइएको छ ।
यो सिमकार्डमा प्रिलोडेड रूपमा रहेको ५ सय एमबी डेटा (इन्टरनेट), ५० मिनेट टक टाइम तथा ५० एसएमएस प्याकेज रहेको जनाइएको छ । एनसेलको सिमकार्ड नयाँ खाता खोल्ने ग्राहकका साथै यो निक्षेप योजनाअन्तर्गत मेगा स्मार्ट मोबाइल बैंकिङ सुविधा उपभोग गर्ने ग्राहकलाई पनि निःशुल्क उपलब्ध गराइने बैंकले जनाएको छ । यसरी पाइने सिमकार्डबाट बैंकको मेगा स्मार्ट मोबाइल बैंकिङ र मेगा अनलाइन बैंकिङको प्रयोग गर्न अनलिमिटेड इन्टरनेट सुविधा निःशुल्क उपलब्ध हुने छ ।
