- वि.सं २o७८ श्रावण १९ मंगलबार
सरकारले रेल्वे कम्पनीमा महाप्रबन्धक गुरु भट्टराईलाई स्पष्टीकरण सोध्ने निर्णय गरेको छ । मंगलबार बसेको मन्त्रिपरिषद् बैठकले भट्टराईले आचरणविपरीतको काम गरेकाले स्पष्टीकरण सोध्ने निर्णय गरेको सरकारका प्रवक्ता ज्ञानेन्द्रबहादुर कार्कीले जानकारी दिए ।
शिक्षक सेवा आयोगको अध्यक्षमा रेग्मी
सरकारले शिक्षक सेवा आयोगका पदाधिकारी नियुक्त गरेको छ। मन्त्रिपरिषद् बैठकले अध्यक्षमा मधुप्रसाद रेग्मी र सदस्यहरूमा गिरिराम रिमाल र नन्दकुमारी महर्जनलाई नियुक्त गरेको कार्कीले जानकारी दिए ।
सरकारले राष्ट्रिय विभुषण छनोट समितिमा सुदूरपश्चिमाञ्चल विश्वविद्यालयका पूर्वउपकूलपति भूषण श्रेष्ठ, त्रिभुवन विश्वविद्यालयका पूर्वरजिष्ट्रार गोविन्दप्रसाद शर्मा, वरिष्ठ कलाकार मदनदास श्रेष्ठ, उद्योगी कुशप्रसाद मल्मी, इन्जिनियर ओमप्रकाश महतो र नेपाली सेनाका उवकाश प्राप्त उपरथी नरबहादुर कँडेललाई नियुक्त गरेको छ ।
