जनता समाजवादी पार्टी (जसपा)को आधिकारिकताको विषयलाई लिएर महन्थ ठाकुर पक्षले सर्वोच्च अदालतमा दर्ता गराएको रिटको आज सुनुवाइ हुने भएको छ।  

रिटको सुनुवाइ न्यायाधीश ईश्वरप्रसाद खतिवडाको एकल इजलासमा तोकिएको छ। निर्वाचन आयोगले ११ साउनमा जसपाको आधिकारिकता उपेन्द्र यादव पक्षलाई दिएको थियो। यससँगै ठाकुर १५ साउनमा सर्वोच्च गएका थिए। रिटमा निर्वाचन आयोगसमेतलाई विपक्षी बनाइएको छ।