मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ असोज ३० शनिबार
  • Saturday, 16 October, 2021
नयाँ पत्रिका काठमाडाैं
२०७८ श्रावण १२ मंगलबार १५:३४:००
Read Time : < 1 मिनेट
समाचार डिजिटल संस्करण

हिजो प्रश्न गर्ने ठाउँमा भएकाहरू आज काम गर्ने ठाउँमा हुनुहुन्छ : राष्ट्रिय सभा सदस्य पन्त

Read Time : < 1 मिनेट
नयाँ पत्रिका, काठमाडाैं
२०७८ श्रावण १२ मंगलबार १५:३४:००

राष्ट्रिय सभाका सदस्य प्रकाश पन्तले हिजो प्रश्न गर्ने ठाउँमा भएकाहरू आज काम गर्ने ठाउँमा भएको हुनाले निर्मला पन्त हत्याकाण्डको फाइल खोल्न सरकारको  ध्यानाकर्षण गराएका छन् । मंगलबार राष्ट्रिय सभाको शून्य समयमा बोल्दै पन्तले निर्मलाले न्याय नपाएको तीन वर्ष भएको भन्दै उनले निर्मलाको हत्याराले सजाय पाए धेरै निर्मलाले न्याय प्राप्त गर्ने बताए । 

उनले  भिआइपीहरूको स्वास्थ्य उपचार र सुरक्षा सुविधाको विषयले बजार तातेको भन्दै मान्छेको अनुहार हेरेर नभई कानुन र मापदण्ड हेरेर काम गर्न सरकारलाई आग्रह गरे । 

पन्तले कोरोनाले थलिएको सार्वजनिक यातायात क्षेत्रका व्यवसायी तथा मजदुरको समस्या र माग सम्बोधन गर्न पनि अनुरोध गरेका छन् ।  

साथै उनले संघीयता कार्यान्वयन गर्न आवश्यक पर्ने कानुन, संविधानको अनुसूची कार्यान्वयन गर्ने कानुनहरू तथा प्रदेश र स्थानीय तहलाई आवश्यक पर्ने कानुनहरू आगामी आमनिर्वाचन अगावै बनाइसक्न सरकारको गम्भीर ध्यानाकर्षण गराएका छन् ।