Skip This
एमाले अध्यक्ष केपी ओलीले जालझेल गरेर अदालतमा निवेदन हालेर परमादेशबाट आफूलाई प्रधानमन्त्रीबाट हटाइएको बताएका छन् । प्रधानमन्त्रीनिवास बालुवाटारबाट बाहिरिएर निजी निवास बालकोट पुगेपछि कार्यकर्ताहरूलाई सम्बोधन गर्दै ओलीले भने, ‘निर्वाचनबाट, जनादेशबाट हारेर होइन, जालझेल गरेर, अदालतमा निवेदन हालेर परमादेशबाट प्रधानमन्त्रीबाट हटाइएको हो । विश्वमै कतै नभएको नजिर, कहीँ नभएको जात्रा हाँडीगाउँमा भनेजस्तै अदालतबाट प्रधानमन्त्री नियुक्ति गर्ने काम भयो ।’
उनले सानका साथ राष्ट्र र जनताको स्वाभिमान माथि उठ्ने गरी, विकास निर्माणलाई तीव्रता दिने गरी सरकारले काम गरे पनि जनताको बीचमा जाने जनादेशको बाटो छेकिएको आरोप लगाए । आमनेपालीलाई खोपको प्रबन्ध गरेर आफू बाहिरिए पनि नयाँ सरकारले जस लिने गरी निर्णय गरेर भ्रमपूर्ण प्रचार गरेको भन्दै ओलीले आपत्ति जनाए ।
