- वि.सं २o७८ असार ४ शुक्रबार
लगातारकाे अविरल वर्षाका कारण हुम्लामा पाँच दिनदेखि हवाई सेवा ठप्प भएको छ । जेठ ३१ गतेदेखि लगातार वर्षा हुँदा हवाई सेवा ठप्प भएको हो । जहाज ठप्प भएपछि दैनिक उपभोग्य वस्तु र खाद्य व्यवस्था तथा व्यापार कम्पनीको चामल रोकिएको छ ।
निजी एयरलाइन्सहरूले उडान भर्न छोडेपछि विकास निर्माणका सामान र खाद्य व्यवस्था तथा व्यापार कम्पनीको चामल सुर्खेत नेपालगन्जमै रोकिएकाे छ ।
मौसम सफा हुँदा दैनिक १५ देखि २५ उडान हुने गरेको सिमकोट विमानस्थलका एयर ट्राफिक कन्ट्राेलर अफिसर नवराज कटुवालले जानारी दिए ।
लगातार वर्षा हुँदा सुर्खेत, नेपालगन्जदेखि सीता, तारा, समिट एयरलाइन्सले उडान भर्न छोडेका हुन् । पाँच दिनदेखि हवाई सेवा ठप्प भएसँगै दैनिक उपभोग्य वस्तुकाे अभाव हुन थालेकाे छ ।
