- वि.सं २o७८ बैशाख १९ आइतबार
लुम्बिनी प्रदेशका सांसद दृगनारायण पाण्डेले राजीनामा दिएका छन् । कपिलवस्तुबाट प्रदेश सभामा निर्वाचित एमाले सांसद पाण्डेले सांसद पद र पार्टीबाट राजीनामा दिएका हुन् ।
सांसद पद र पार्टीबाट राजीनामा दिएको उनले नयाँ पत्रिकालाई बताए । जनतासमक्ष गरिएका वाचा पूरा गर्न नसकेको भन्दै उनले राजीनामा दिएको बताए ।
पाण्डे एमालेको प्रदेश कमिटी सदस्यसमेत हुन् । कपिलवस्तु २ (क)बाट उनी निर्वाचित भएका थिए । पाण्डे प्रदेश सभामा सामाजिक विकास समितिका सभापतिसमेत हुन् ।
