- वि.सं २o७८ बैशाख १२ आइतबार
मोरङ केराबारी गाउँपालिका– ३ का ३२ वर्षीय गजेन्द्र राई र २६ वर्षीय रुबिन लिम्बूले जंगलमा सिकार खेल्ने क्रममा चलाएको गोली लागेर आफनै साथीको हत्या भएको खुलेको छ । मोरङ प्रहरीका अनुसार ९ वैशाखमा जंगलमा सिकार खेल्ने सोही ठाउँका ३७ वर्षीय हस्तबहादुर राईको साथी गजेन्द्रले प्रहार गरेको भरुवा बन्दुकको गोली लागेर मृत्यु भएको हो ।
प्रहरीको अनुसन्धानअनुसार एकै ठाउँका ३२ वर्षीय गजेन्द्र, २६ वर्षीय रुबिन लिम्बू र ३७ वर्षीय हस्तबहादुर ८ वैशाखको साँझ जंगलमा सिकार खेल्न गएका थिए । सिकार खेल्ने क्रममा ९ वैशाखमा गजेन्द्र र रुबिनले चलाएको भरुवा बन्दुकको गोली लागेर साथी हस्तबहादुरको मृत्यु भएको थियो ।
घटनामा संलग्न रुबिन र गजेन्द्र दुवैलाई पक्राउ गरी कर्तव्य ज्यान मुद्दा आरोपमा अदालतमा मुद्दा दर्ता गराएर अनुसन्धान भइरहेका मोरङ प्रहरीले जनाएको छ ।
