कोभिड– १९ (कोरोना)विरुद्धको दोस्रो डोजको खोप मंगलबारबाट दिन थालिएको छ । प्राथमिकताको पहिलो र दोस्रो समूहमा परेर पहिलो डोज लगाएकालाई ११ वैशाखसम्म बिहान १० बजेदेखि दिउँसो ४ बजेसम्म खोप लगाइने स्वास्थ्य मन्त्रालयले जनाएको छ । पहिलो डोज लगाएका स्वास्थ्यकर्मी, सरकारी कर्मचारी, सुरक्षाकर्मी, सरसफाइकर्मी, पत्रकार, कूटनीतिक नियोगका कर्मचारी, बैंक तथा वित्तीय संस्थाका कर्मचारीले दोस्रो डोज लगाउन पाउनेछन् ।