मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ असार ९ बुधबार
  • Wednesday, 23 June, 2021
तिवारी यादव वीरगन्ज
२०७८ बैशाख ६ सोमबार १३:५९:००
Read Time : < 1 मिनेट
समाचार डिजिटल संस्करण

पर्सामा मास्क नलगाउनेलाई कारबाही 

Read Time : < 1 मिनेट
२०७८ बैशाख ६ सोमबार १३:५९:००

जिल्ला प्रशासन कार्यालय पर्साले सडकमा मास्क नलगाई हिँड्नेलाई कारबाही गर्न सुरु गरेको छ । छिमेकी मुलुक भारतमा तीव्र रूपमा संक्रमण बढेकाले त्यसको प्रत्यक्ष असर सीमा जोडिएको पर्सामा परेपछि मास्क नलगाई हिँड्नेलाई प्रहरीले सोमबारदेखि जरिवाना गर्न थालेको हो । 
संक्रामक रोग ऐन, २०३० बमोजिम जिल्ला प्रशासन कार्यालय पर्साको निर्देशनअनुसार पर्सा प्रहरीको मातहतमा रहेका प्रहरी युनिटहरूले मास्क नलगाई हिँड्नेलाई कारबाही गर्ने कार्य अघि बढाएको जिल्ला प्रहरी कार्यालय पर्साले जनाएको छ । 
विनामास्क बजारमा भेटिएकाहरूलाई प्रहरीले समातेर एकपटकका लागि सय रुपैयाँ जरिवाना तिराउने तथा सम्झाइबुझाई मास्क नलगाई घरबाहिर ननिस्कने सर्तमा एक थान मास्क वितरण गरी छोडेको पर्साका प्रहरी उपरीक्षक बेलबहादुर पाण्डेले जानकारी दिए । 
उनका अनुसार बिहानैदेखि प्रहरीले वीरगन्ज महानगरपालिकाको घन्टाघरचोक, माईस्थान, भानुचोक, रानीघाटलगायतका ठाउँमा मास्कविना हिँडेकाहरूलाई कारबाही गरेको छ । घन्टाघर, माईस्थान र श्रीपुरमा विनामास्क भेटिएका ८२ जनालाई प्रहरीले जनही सय रुपैयाँका दरले जरिवाना तिराएको छ । 
वीरगन्ज महानगरपलिकालगायतका अन्य सबै पालिकामा माइकिङ तथा जनचेतानामूलक कार्यक्रम पनि गरिएको जिल्ला प्रहरी कार्यालय पर्साले जनाएको छ ।