मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ असोज २ शनिबार
  • Saturday, 18 September, 2021
२०७८ बैशाख २ बिहीबार १६:२१:००
Read Time : < 1 मिनेट
समाचार डिजिटल संस्करण

बलात्कार आरोपमा एक पक्राउ

Read Time : < 1 मिनेट
२०७८ बैशाख २ बिहीबार १६:२१:००

मकवानपुरको हेटौँडाकी एक किशोरीलाई बलात्कार गरेको आरोपमा एक युवक पक्राउ परेका छन् । नयाँ वर्षका दिन किशोरीमाथि बलात्कार गरेको आरोपमा पर्साको वीरगन्ज महानगरपालिका– २३ बस्ने २१ वर्षीय विशाल पासवानलाई पक्राउ गरिएको प्रहरीले जनाएको छ ।

जिल्ला प्रहरी कार्यालय मकवानपुरका प्रवक्ता डिएसपी जयश्वर रिमालका अनुसार हेटौँडा– ६ पुतलीबजारनजिकै खहरे खोलामा किशोरीमाथि बलात्कार गरिएको सूचना प्राप्त हुनासाथ पासवानलाई नियन्त्रणमा लिइएको हो । सुरुमा सामूहिक बलात्कार भएको सूचना प्राप्त भए पनि अनुसन्धानका क्रममा त्यस्तो नपाइएको डिएसपी रिमालले बताए ।

पासवान र किशोरीबीच प्रेम–सम्बन्ध रहेको पाइएको प्रहरीको प्रारम्भिक अनुसन्धानबाट खुलेको छ । प्रेम–सम्बन्ध भएका कारण नयाँ वर्षका दिन भेटघाट हुँदा किशोरी बलात्कारको सिकार बन्न पुगेको प्रहरीको दाबी छ । किशोरीको स्वास्थ्यस्थिति सामान्य रहेको रिमालले जानकारी दिए ।