- वि.सं २o८१ बैशाख २४ सोमबार
सिद्धार्थ बैंक लिमिटेडले विदेशी मुद्राको भुक्तानी गर्न अझै सहज, आधुनिक र विश्वस्तरीय बनाउने उद्देश्यले सिद्धार्थ इकम कार्डको सुरुवात गरेको छ । बैंकले आफ्ना ग्राहकले नेपाली रुपैयाँलाई ५ सय अमेरिकी डलर वा त्यतिबराबरको अन्य परिवत्र्य विदेशी मुद्राको सटही गरेर सिद्धार्थ बैंकको इकम कार्ड प्रयोग गरी नेपालबाटै विदेशमा भुक्तानी गर्न मिल्ने सेवा ल्याएको हो ।
विवरण अद्यावधिक भएको तथा सम्बन्धित प्रयोगकर्ताले स्थायी लेखा नम्बर लिएको हुनुपर्ने जनाइएको छ । प्रयोगकर्ताले एकैपटक वा पटक–पटक गरी एक वर्षमा बढीमा ५ सय अमेरिकी डलर वा सोबराबरको परिवत्र्य मुद्रा जम्मा गर्न सक्ने जनाइएको छ ।
बैंकले ल्याएको यस सुविधाले ग्राहकलाई सहज सेवा उपलब्ध हुने, अन्तर्राष्ट्रिय किनमेल सेवा अझ बढी सुविधाजनक बनाउने र बैंकिङ प्रणाली अझ बढी प्रभावकारी र ग्राहकमैत्री बनाउने जनाइएको छ ।
