Read Time : < 1 मिनेट
२०७७ फाल्गुण ४ मंगलबार ०९:५०:००
लमजुङ प्रहरीले बेसीसहर नगरपालिका– ६ मालेबगरबाट ६७ क्युफिट अवैध काठ बरामद गरेको छ । प्रहरीले अवैध काठसहित ट्याक्टरचालकलाई पनि पक्राउ गरेको छ ।
लमजुङका प्रहरी प्रमुख डिएसपी गंगाबहादुर थापाले बेसीसहर नगरपालिका– ७ वस्ने वर्ष ३४ का बुद्धिबहादुर तामाङले चलाएको ग.१त ३९७६ नम्बरको ट्याक्टरमा अवैध रूपमा रहेको ६६.३० क्युफिट उत्तिसको काठ ओसारपसार गर्दै गरेको अवस्थामा फेला पारी उक्त काठसहित ट्याक्टरचालकलाई नियन्त्रणमा लिइएको बताए ।
उक्त काठसहित, ट्याक्टर तथा ट्याक्टरचालक बुद्धिबहादुर तामाङलाई पक्राउ गरी आवश्यक कारबाहीका लागि आइतबार डिभिजन वन कार्यालय लमजुङमा पठाइएको डिएसपी थापाको भनाइ छ ।