- वि.सं २o७७ माघ ३ शनिबार
नेपाल कम्युनिस्ट पार्टी (क्रान्तिकारी माओवादी)का महासचिव मोहन वैद्यले गृहमन्त्री रामबहादुर थापा बादल स्वार्थ पूरा गर्नका लागि ओली समूहमा गएको आरोप लगाएका छन् ।
शुक्रबार मोरङको बेलबारीमा नेपाल कम्युनिस्ट पार्टी (क्रान्तिकारी माओवादी)ले गरेको पत्रकार सम्मेलनमा वैद्यले नेता थापालाई वैचारिक राजनीतिभन्दा सत्ताको स्वार्थ पूरा गर्न ओली समूहमा गएको बताएका हुन् ।
उनले प्रचण्ड–माधवभन्दा पनि अहिलेको अवस्थामा ओलीको प्रवृत्ति खराब देखिएको बताए ।
देश पुरानै अवस्थामा फर्कने खतरा रहेको उनको धारणा छ ।
वैद्यले प्रधानमन्त्री केपी ओलीको अभिव्यक्तिले राजतन्त्रलाई सहयोग पुग्ने गतिविधि बढाउने खालको रहेको पनि आरोप लगाए ।
उनले अहिलेकै अवस्थामा भने प्रचण्ड–नेपालसँग मिलेर आन्दोलन गर्ने पक्षमा आफ्नो पार्टी नरहेको स्पष्ट पारे ।
विप्लव समूहसँग पार्टीक एकीकरणका विषयमा छलफल भइरहेको उनले बताए ।
