- वि.सं २o७७ पौष १५ बुधबार
नेकपा प्रचण्ड–नेपाल समूहका नेता वर्षमान पुनले देशमा वैशाखमा चुनाव नहुने बताएका छन् । साथै उनले चुनाव पनि नहुने र चार महिनापछि केपी ओली प्रधानमन्त्री पनि नहुने बताएका छन् ।
रोल्पामा बुधबार आयोजित पत्रकार भेटघाटमा उनले संसद् विघटन गैरसंवैधानिक कदम रहेको पनि बताए ।
साथै यो कदमले इतिहासलाई उल्टो दिशामा लैजान खोजिएको आरोप उनको छ ।
उनले वैशाखमा घोषणा गरिएको चुनाव, चुनाव गर्नका लागि नै नभएको बताए । अहिले संविधान रक्षाको विषय सबैभन्दा महत्वपूर्ण रहेको उनको भनाइ छ ।
