मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ माघ १० शनिबार
  • Saturday, 23 January, 2021
नयाँ पत्रिका वीरेन्द्रनगर
२०७७ मङ्सिर १२ शुक्रबार १७:३०:००
प्रदेश डिजिटल संस्करण

कर्णालीका अधुरा आयोजना पूरा गर्न बजेट विनियोजन

नयाँ पत्रिका, वीरेन्द्रनगर
२०७७ मङ्सिर १२ शुक्रबार १७:३०:००

कर्णाली प्रदेश सरकारले अधुरा आयोजना सम्पन्न गर्न बजेट विनियोजन गरेको छ । कर्णाली प्रदेश सरकारको आर्थिक वर्ष ०७६/७७ को समपूरक र विशेष अनुदानबाट स्थानीय तहहरूमा सञ्चालित अधुरा आयोजनाहरू सम्पन्न गर्न बजेट विनियोजन गरेको हो ।

कर्णाली प्रदेश सरकारको समपूरक र विशेष अनुदानबाट स्थानीय तहहरूमा सञ्चालित अधुरा आयोजनाहरूका लागि आर्थिक मामिला तथा योजना मन्त्रालयले अर्थ विविध शीर्षकबाट २२ करोड ५७ लाख ८५ हजार बजेट सम्बन्धित स्थानीय तहहरूमा हस्तान्तरण गर्ने निर्णय भएको कर्णाली प्रदेश सरकारका प्रवक्ता तथा भूमि व्यवस्था, कृषि तथा सहकारीमन्त्री बिमला केसीले बताइन् ।

त्यस्तै, प्रदेश नीति तथा योजना आयोगको उपाध्यक्षमा दैलेख नारायण नगरपालिका–८ सर्वराज खड्कालाई नियुक्त गर्ने, मुख्ययमन्त्री समन्वय विज्ञका रूपमा सुर्खेत  लाटीकोइली– ९ का झकबहादुर मल्ललाई नियुक्त गर्ने निर्णय भएको केसीले बताइन् । 

सल्यान जिल्ला कुमाख गाउँपालिका र दैलेखको भगवतीमाई गाउँपालिकाको वडा संख्या र सिमाना हेरफेर सम्बन्धमा नेपाल सरकारसमक्ष स्वीकृतिका लागि पठाउने निर्णय भएको केसीले बताइन्  । 

कर्णाली प्रदेश आन्तरिक मामिला तथा कानुन मन्त्रालय कर्णाली प्रदेश सुरक्षा मापदण्ड, २०७७ स्वीकृति प्रदान गर्ने, कर्णाली प्रदेशको सुरक्षा रणनीति, २०७७ स्वीकृति प्रदान गर्ने, शान्ति अध्ययन तथा घाइते अपांग पुनर्स्थापना केन्द्र स्थापनासम्बन्धी विधेयक तर्जुमा गर्न सैद्धान्तिक स्वीकृत प्रदान गर्ने निर्णय भएको प्रवक्ता केसीले जानकारी दिइन् ।

त्यस्तै, उद्योग, पर्यटन, वन तथा वातावरण मन्त्रालयलाई कर्णाली प्रदेश पर्यटन गुरुयोजना स्वीकृत गर्ने निर्णय भएको प्रवत्ता केसीले बताइन् ।