- वि.सं २o७७ मङ्सिर ६ शनिबार
बलिउड लागुऔषध कनेक्सन कमेडियन भारती सिंहतर्फ पनि तेर्सिएको छ । नार्कोटिक्स कन्ट्रोल ब्युरो (एससिबी)ले सिंहको घरमा शनिबार छापामा मारेको छ । सिंह र उनका पतिविरुद्ध लागुऔषध प्रयोग गरेको आरोप लागेको छ ।
एससिबीका अनुसार अनुसन्धानका क्रममा गोप्य सूत्रले भारती सिंह र उनको पति हर्षविरुद्ध पनि बयान दिएको छ । एससिबीले पछिल्लो समय मुम्बईको अन्धेरी, लोखन्डवालालगायत क्षेत्रमा छापा मारिरहेको छ ।
बलिउड अभिनेता सुशान्तसिंह राजपुतको मृत्युमा लागुऔषध कनेक्सन देखिएपछि ब्युरोले लगातार छापा मारिरहेको छ । विशेषगरी ब्युरोले बलिउड कलाकारको घरमाथि नजर बढाएको छ ।
