Read Time : < 1 मिनेट
२०७७ कार्तिक १२ बुधबार १२:४४:००
कैलालीमा कुखुराको फर्मभित्र तास खेलिरहेका पाँचजनालाई प्रहरीले नियन्त्रणमा लिएको छ ।
जिल्लाको गौरीगंगा नगरपालिका– ६ मा रहेको कुखुराको फर्मभित्र तास खेलिरहेको अवस्थामा उनीहरूलाई प्रहरीले नियन्त्रणमा लिएको जनाएको छ ।
पक्राउ पर्नेमा ६० वर्षीय भक्तबहादुर शाही, ३६ वर्षीय रंग साउद, ४२ वर्षीय रामबहादुर साउद, ४५ वर्षीय डम्बर शाही र ५२ वर्षका वीरबहादुर साउद रहेको प्रहरीले जनाएको छ ।
उनीहरूको साथबाट नगद दुई लाख २३ हजार पाँच सय र दुई गड्डी ताससमेत नियन्त्रणमा लिएको प्रहरीले जनाएको छ ।
यसबारेमा थप अनुसन्धान जारी रहेको प्रहरीको भनाइ छ ।
