वडाध्यक्षसहित १० जुवाडे पक्राउ

Read Time : < 1 मिनेट

सम्राट सिंह, बझाङ

नयाँ पत्रिका

२o८१ बैशाख १९ बुधबार १o:५o:oo

जयपृथ्वी नगरपालिका– ४ का वडाध्यक्षसहित १० जना जुवाडे पक्राउ परेका छन् । बुधबार बिहान ३ बजेतिर जयपृथ्वी नगरपालिका– ४ गोलाईबाट वडाध्यक्षसहित १० जना पक्राउ परेका हुन् ।

पक्राउ परेका वडाध्यक्ष गगनबहादुर खाती नेपाली कांग्रेसबाट निर्वाचित भएका थिए । पक्राउ पर्नेमा जयपृथ्वी नगरपालिका– ४ का वडाध्यक्ष खाती, कुम्भराज उपाध्याय, दीपकबहादुर बड, नरेन्द्रराज उपाध्याय, शेरबहादुर खाती, लोकेन्द्र खाती, विक्रम खाती, रतनलाल रताला, उमेशराज जोशी, सन्तोष जोशी रहेका छन् । उनीहरूलाई विशेष सूचनाका आधारमा जुवा खेलिरहेको अवस्थामा जुवा खालबाट पक्राउ गरिएको जिल्ला प्रहरी कार्यालय बझाङका प्रहरी नायव उपरीक्षक रुपक खड्काले बताए ।

जुवाखालबाट ७० हजार सात सय ३० रुपैयाँ बरामद भएको र पक्राउ परेकाहरूलाई हिरासतमा राखी थप अनुसन्धान भइरहेको उनको भनाइ छ ।

#वडा अध्यक्ष # पक्राउ