कोरोना संक्रमित प्रहरीहरूले आफूहरूले पानीसमेत किनेर खानुपरेको गुनासो गरेका छन् । जिल्ला प्रहरी कार्यालय सुर्खेतको कभर्ड हलमा राखिएका संक्रमित प्रहरीले यस्तो गुनासो गरेका हुन् ।
आफूहरू तल्लो तहका प्रहरी भएकाले बेवास्ता गरिएको उनीहरूको गुनासो छ । ‘हामीले पानीसमेत किनेर खानुपरेको छ,’ एक प्रहरीले गुनासो गरे, ‘जिप्रकाबाट खाना आउँथ्यो, तर त्यो खाना खानै नसक्ने भएपछि हामी आफैँले किनेर खान बाध्य भएका छौँ ।’
नागरिकको सुरक्षाका लागि खटिँदा नै संक्रमित भएको तर आफूहरूलाई राज्यबाटै अपहेलना भएको उनीहरूको गुनासो छ । संक्रमणका वेला खानेकुरा सबै किनेर खानुपरेको र कसैले वास्ता नगरेको उनीहरूले बताएका छन् ।